Құттықтау

Қыркүйектің 8 күні мектебіміздің еңбек пәнінен сабақ беретін ұстазымыз Инкарбекова Бағила Қанатқазы Меркі ауданы атынан V Дүниежүзілік көшпенділер ойындарының аясында өткен Аламан құрақ қатысушыларымен рекорд орнатуға ат салысты. Бір мезгілде кілем тәріздес жайылған 450 көрпенің жалпы көлемі 11200 кв метрді құрады: ені бойынша 16 қатар – 40 метр, ұзындығы бойынша 28 қатар – 252 метр. Бір көрпе өлшемі 250/90 см. Көрпе тігу барысында «Гауһартас», «Аламан», «Сынық мүйіз» құрақ техникалары және төртқұлақ технкалары және төртқұлақ қошқар мүйіз, өсімдік оюлары қолданылды. Жобаға 450 құрақшы қатысты. Қатысушылар арнайы «КИНЭС» Қазақстан рекордтар кітабының ресми өкілі Қуандық Құдайбергеновтен Сертификат иеленіп қайтты. Әріптесіміздің осындай жоғары дәрежедегі іс шараға қатысқаны үшін мектеп ұжымының атынан  алғыс білдіре отырып, әріптесімізді шын жүректен құттықтап, абыройының үстем болуын тілейміз!