"Таза Қазақстан" акциясы

Республикалық "Таза Қазақстан" акциясы аясында бүгін, 7 қыркүйек күні мектеп ауласында санитарлық тазарту, көркейту және күл-қоқыстарды жинау мақсатында сенбілік шарасы өтті. Сенбілікке біздің мектеп мұғалімдері мен кіші қызметкерлер бір кісідей атсалысып, әрбір бөлінген аумақтарда, тазалық жұмыстарын жүргізді. Негізінде сенбіліктер тұрғындардың қоршаған ортаны таза ұстауға, экологиялық мәдениет қалыптастыруға және ауылдың санитарлық жағдайын жақсартуға тигізер ықпалы мол. Бұндай қоғамдық жұмыстарға мектеп мұғалімдері де барынша атсалысып, үрдіске айналған игілікті іске үлес қосып келеді.