02
октябрь
2024
Мерекелік кеш
ҰСТАЗЫМА, САҒАН МЫҢ АЛҒЫС!
Ақкөз Қосанұлы атындағы #18 жалпы орта білім беретін мектебінде 1 қазан – Қарттар күніне және ұстаздар мерекесіне орай «Ұстазым, саған мың алғыс!» тақырыбында ардагер ұстаздарға арналған мерекелік кеш өтті. Кеш шымылдығын ашқан мектеп директоры Сейдалиев Ербол Есеналыұлы ардагер ұстаздарға ақжарма тілегін жеткізіп, қонақтарды атаулы күнмен құттықтады. Саналы ғұмырын білім беру саласына арнаған ардагер ұстаздар құрмет төрінен орын алып, ұжымның сый-сияпатына бөленді. Сонымен қатар мерейлі кеш үшін барша ұжымға алғыс білдіріп, ақ баталарын арнады. «Қарты бар үйдің – қазынасы бар» дейді халқымыз. Бүгінгі біз жүріп жатқан жол – бір кездері сіздер өткерген даңғыл. Сондықтан көненің көзі ретінде әрдайым сіздерге құрмет көрсетуден жалықпаймыз. Мерекелеріңіз құтты болсын!