1 қыркүйек-Білім күні құтты болсын!

Мектебімізде 1- қыркүйек Білім күні мерекесіне орай, мектебімізде жаңа 2024 - 2025 оқу жылына арналған «Мектебім - мейірім мекені» атты салтанатты жиыны болып өтті.

Мерекелік іс -шараға аудандық білім бөлімінің әдіскері Егембердиева Майра Каналбаевна ,Меркі аудандық санитарлық эпидемиологиялық бақылау басқарма басшысы Кударова Дильдаш Кабирқызы, Аудандық полиция бөлімінің бастығының орынбасары Қуанышбеков Мадияр Бейсенбаевич қатысты.

Салтанатты жиынды мектеп директоры Сейдалиев Ербол Есеналыұлы ашып, іс - шара мазмұнының маңыздылығына тоқталып, қатысушыларды мерекелерімен құттықтап, ізгі тілегін білдірді. Сонымен қатар салтанатты жиынға қатысқан қонақтарымызда ұстаздар мен ата - аналарды, оқушыларды мерекелерімен арнайы құттықтап, жаңа оқу жылы берекелі, табысты, нәтижелі жыл болып, толағай табыстар мен үлкен жетістіктерге жете берулеріне тілектестігін білдірді. Әрі қарай іс - шарада мектеп оқушылары өздерінің дайындаған өнерлерін көрсетсе, мектеп табалдырығын жаңа аттаған бүлдіршіндер ән айтып, өлең шумақтарын тарту етті.

Алғашқы қоңырау соғу құрметті 1 – сыныпқа келген бүлдіршіндерімізге және 11 – сынып оқушыларына берілді.

Білім күні құтты болсын! Шәкірттеріміздің болашақтары жарқын болып, әрдайым жеңіс биігінен көрініп, өсіп - өркендей берсін