"Қазақтың ұлттық киімдері" ашық сабақ

Сабақтың тақырыбы: Қазақтың ұлттық киімдері

Сабақтың мақсаты:

Білімділік: Оқушыларға қазақтың ұлттық киімі- көненің көзі екендігін айту. Ұлттық киімдер туралы білімін молайту, таныстыру.

 

Дамытушылық: оқушыларды логикалық ой қиялдарға шығармашылық ізденістерге баулу.

 

Тәрбиелік: Оқушылардың теориялық ойларын ықшамдап, ұйымшылдыққа жүйелі жұмыс істеуге, әсемдік сұлулықты сезінуге тәрбиелеу.

 

Сабақтың түрі: Аралас сабақ

Сабақтың әдісі: Шығармашылық жұмыс. Сұрақ - жауап.

 

Пәнаралық байланыс: Бейнелеу, тарих, математика.

 

Көрнекіліктер: Слайдтар, қазақтың ұлттық киімдері, сөзжұмбақ, плакаттар, суреттер. Ой қозғау сурет карточкалармен жұмыс.

 

Сабақтың барысы:

 

Ұйымдастыру кезеңі: 1. Сәлемдесу, оқушыларды түгендеу. Құрал- жабдықтарды дайындау. Оқушыларға сабақтың міндеті мен мақсатын таныстыру.

 

Сыныпты екі топқа бөлу: І топ. Натюрморт

                                  ІІ топ. Пейзаж

Үй тапсырмасын тексеру:

«Миға шабуыл» әдісі бойынша үй тапсырмасын сұрау.

1. Бейнелеу өнерінің қандай түрлерін білесіңдер?

2. Қазақтың көрнекі суретшілерін ата: Ә.Қастеев, А.Сәрсенбаев, Б.Ысмайлов, С.Кенжебаев, Е.Түзелханов, Ә.Айтбаев,

3. Сурет салуға арналған құрал саймандарды ата.

4. Кескіндеме өнерінің басты құралы не? (түс)

5. Табиғат әлемінде кездесетін екі түс. (жылы және суық)

6. Локальды түс дегеніміз не? (нәрсенің өз түсі)

7. Ахроматикалық түстерді білесің бе? (ақ , қара, сұр)

8. Анималистік жанр дегеніміз не? (аңдар мен жануарлар бейнесін салу)

9. Перспективаның түрлерін ата. (жазықтық, ауа,сызықтық, жарық, көлеңке)

10. Эскиз дегеніміз не? (алдын-ала салынған нобаий сурет)

11. Сәндік қолданбалы өнер дегеніміз не? Оларға қандай бұйымдар жатады. (қоржын, кесе қап, сандық, ұлттық киімдер, зергерлік бұйымдар т.б.)

Сөзжұмбақ шешу арқылы жаңа сабақтың тақырыбын ашу.

2. Су бояуы (акварель)

3. Тастан қашалып жасалатын өнер. (мүсін)

4. Материал сынықтарына құрастырылған ою өрнек. (мозайка)

5. Түстің мағынасы. (бояу)

6. Табиғат көрінісін бейнелейтін өнер жанры. (пейзаж)

 

Жаңа сабақты ашу: Қазақтың ұлттық киімдері көненің көзі болып есептеледі. Себебі, уақыт өткен сайын ұлттық киімді сақтап, зерттеп білудің қиынға түсетіні мәлім. Қонақ киімдерді қастерлеу, әрі құрмет тұту елдің кемеліне келген өскелең өмірін танытады. Өйткені, қазақтың ұлттық киімі ұрпақтан- ұрпаққа жалғасып келе жатқан киімдердің бірі.

 

Қазақтың ұлттық киімдері екіге бөлінеді.

 

Қазақтың ұлттық киімдері:

Салтанатты киім күнделікті тұрмыстық киім

 

Сонымен қатар, ұлттық киімдер бірнеше топқа бөлінеді, бас киімдер, сырт киімдер, аяқ киімдер.

 

 

 

Қазақтың ұлттық бас киімдері.

 

                                                   Әйелдер                                          Ерлер

                                                   1. Кимешек                                      1. Бөрік

                                                   2. Сәукеле                                      2. Топы

                                                   3. Қасаба                                        3. Айыр қалпақ

                                                   4. Орамал                                        4. Тұмақ

 

 

 

 

 

Қазақтың ұлттық сырт киімдері

                                                  1. Бүрмелі көйлек                            1. Шапан

                                                  2. Көкірекше                                  2. Тон

                                                  3. Камзол

                                                  4. Бешпет

 

Аяқ киімдер

1.Мәсі

2. Саптама етік

 

Кітаппен жұмыс: Қазақтың ұлттық киімдері туралы мәлімет оқу.

 

Ой қозғау: Суретпен жұмыс.

Оқушылардың ой –өрісін дамыту.

1. І топ. Суреттегі тоғыз адамның бейнесін табу.

2. ІІ топ. Суретте қанша жануардың бейнесі бейнеленген?

 

Сабақты қорытындылау:

 

Үйге тапсырма: Қазақтың ұлттық киімдерінің суретін толық аяқтап келу.