«Кітап арқылы ашылған сырлы әлем» атты кітап керуені

Ақкөз Қосанұлы атындағы №18 жалпы орта білім беретін мектеп кітапханасында, «Кітап арқылы ашылған сырлы әлем» атты кітап керуені ұйымдастырылды.

Кітап әлемі туралы түсінік беріп, кітапхана өмірімен, кітапханадан кітап алудың ережесімен таныстыру мақсатында  мектеп білім алушыларымен мектеп кітапханасына шақырған болатынбыз. Оқушы-оқырмандарымызға білімнің кілті кітап арқылы берілетінін ұғындыру, бүлдіршіндердің кітапқа деген қызығушылығын арттыру, кітапты сүюге, оны ұқыпты таза ұстауға тәрбиелеп, бағыт-бағдар беруге тырыстық.

Кітапханашы  іс-шара барысында оқушылар  назарына ертегі кітаптар, қазақ, орыс, шетел шығармалары, балаларға арналған энциклопедиялар, тағы да басқа көркем суреттелген иллюстрациялы кітаптар ұсынылды. Кішкентай оқырмандарымыз қызығушылық танытып, кітап туралы өз ойларын айтып берді.