«Дін және дәстүр» тақырыбында кездесу
Ақкөз Қосанұлы атындағы №18 жалпы білім беретін тірек мектебі (ресурстық орталық)
«Дін және дәстүр» тақырыбында кездесудің өтілуі туралы
Анықтама
2021-2022 оқу жылы
Мектебімізде «Экстремизм мен терроризмге жол жоқ!» тақырыбында апталықтың барысында «Дін және дәстүр» тақырыбында кездесу өтті. Іс-шараның негізгі мақсаты: өскелең ұрпаққа ислам діні мен ата дәстүріміздің сабақтастығын терең түсіндіру . Кездесуге аудандық білім бөлімінің әдіскері Раптаева Сәуле Мұратбекқызы, Меркі аудандық полиция бөлімінің экстремизмге қарсы іс-қимылының аға жедел уәкілі Байтаков Ербол Мұңбайұлы, Меркі ауданы әкімдігінің ішкі саясат бөлімінің бас маманы Мамбетов Ақтөре, Жастар ресурстық орталығының жастарға қызмет көрсету бөлімінің басшысы Дуанбекұлы Нүркен қатысып оқушылармен пікір алмасты. "Ар-ұжданның ақ туын көтерген ата-бабаларымыз кейінгі ұрпағына осыншалықты кең байтақ атамекенді аман-есен жеткізді. Сонымен қатар бізге ең басты байлық – дін дәстүрлерімен өрілген теңдессіз ділімізді, ұлттық болмысымызды, салт-сана, әдет-ғұрпымызды атаның батасымен, ананың ақ сүтімен бойымызға дарытып кетті. Ендеше "жаным арымның садағасы" деп мұсылманшылықты ту еткен сол баhадүр бабаларымыздың салып кеткен сара жолынан айнымағанымыз жөн. Қоғамды ынтымаққа ұйытатын, бірлікке бастайтын құндылықтарды қадірлеуіміз қажет"-деген ойларымен бөлісіті. Кездесу барысында қоанқтар тақырып төңірегінде ой қозғап, жас ұрпаққа дәстүрді сақтай отырып тілімізді, дінімізді, тарихымызды сақтайтынымыз туралы біршама өсиеттер айтып, сауалдарға жауап берді.