"Қатыгездіксіз және зорлық-зомбылықсыз балалық шақ" тақырыбында сынып сағаты
2024 жылдың 4-ші желтоқсан күні 9-11 сынып оқушыларына арналған "Қатыгездіксіз және зорлық-зомбылықсыз балалық шақ" тақырыбында сынып сағаты өткізілді.Іс-шараны мектептің әлеуметтік педагогы Г. Алипбаева мен мектеп психологтары ұйымдастырды. Сынып сағатының мақсаты — қоғамның балаларға қатысты зорлық-зомбылық пен қатыгездік мәселесі, оның бала мен қоғамға тигізетін салдары, сондай-ақ осы саладағы халықаралық заңнаманың негіздері туралы оқушыларды хабардар ету болды.
Кездесу барысында директордың құқықтық тәрбие ісі жөніндегі орынбасары Қуанышева Ж. мен мектеп инспекторы Меркі АПБ ЖПҚб ЮПТ полиция лейтенанты Г.Ерішбай бопсалаудың салдары туралы сөз қозғап, оның бала өміріне және психологиясына тигізетін теріс әсерлерін түсіндірді. Сонымен қатар, оқушыларға бейнеролик көрсетілді. Білім алушылар өз пікірлерін білдіріп, мәселе бойынша ашық талқылау өткізді.
Сынып сағатына қатысушыларға барлық кәмелетке толмағандар мен олардың заңды өкілдеріне арналған "Сенім поштасы" және "Сенім телефоны" туралы ақпарат берілді. "Сенім телефоны" туралы мәлімет мектептің ақпараттық тақтасында жарияланып, барлық қажетті байланыс деректері мектеп сайтына да орналастырылды.
