"Оқушылардың математикалық олимпиадалар есептерін шешу дағдыларын дамыту"

             Меркі ауданының білім бөлімінің жоспарына сәйкес аудандағы математика пәні мұғалімдерімен   Ақкөз Қосанұлы атындағы №18 жалпы орта білім беретін тірек мектебінде (ресурстық орталық) коммуналдық мемлекеттік мекемесі базасында семинар өткізілді. Семинардың мақсаты: жоғары деңгейдегі олимпиадаларға дайындау қабілетін жақсарту, мұғалімдердің шығармашылық әлеуетін дамыту және педагогикалық шеберлігін жетілдіру, математика пәні мұғалімдеріне арналған PISA – есептерін шығару жолдарын үйрету, әдістемелік көмек көрсету. Семинарға ауданымыздан 30 математика пәні мұғалімдері қатысты. " Мектептерге арналған Pisa зерттеуінің ерекшеліктері" тақырыбында  аудандық білім бөлімінің әдіскері А. Қ .Сақыбай,  " Оқушылардың математикалық олимпиадалар есептерін шешу дағдыларын дамыту" такырыбынды  Ақкөз Қосанұлы атындағы №18 жалпы орта білім беретін тірек мектебінің (ресурстық орталық ) математика пәні мұғалімі К.Т .Дүйсеналиева, " Математика сабағында окушылардың функционалдық сауаттылығын дамыту " тақырыбында  М. Әуезов атындағы мектеп- лицейінің мұғалімі Н. Байтанаева баяндама  оқып,  іс- тәжірибелерімен бөлісті. Семинар соңында мұғалімдерден  кері байланыс  алынып,   семинардан алған ойларымен  бөлісті. Семинардан  қатысушылар  оқушылардың функционалдық сауаттылықтарын арттырудың әдіс-тәсілдерін меңгерді.