29
ноябрь
2022
Жаратылыстану - математикалық пәндер бойынша PISA тапсырмаларын орындау іс- тәжірибе
Ақкөз Қосанұлы атындағы №18 жалпы орта білім беретін тірек мектебінде (ресурстық орталық) «Математика сабағында PISA тапсырмаларын орындау» тақырыбында математика пәні мұғалімі Тюляпова Гүлнұр, биология пәні мұғалімі Ермекбаева Улбала «Биологиядан PISA тапсырмаларын орындау» тақырыбында, химия пәні мұғалімі Даулетбаева Балжан «Химия сабағында PISA тапсырмаларын орындау » тақырыбында іс-тәжірибелерімен бөлісті. Тюляпова Гүлнұр математика сабағында PISA халықаралық зерттеу әдістері негізінде оқушыларға кейбір логикалық есептерді математикалық сауаттылықпен шығаруды үйрету, PISA зерттеу әдістері негізінде логикалық есептерге теңдеу құрып, оны шешу, талдау жасауда оқушылардың сыни көзқарасы мен таным белсенділігін арттыру; сыни ойлаудың белсенді әдістері арқылы логикалық ойлауы мен қарым-қатынас құзіреттілігін дамыту; PISA зерттеу әдістері негізінде логикалық тапсырмалар арқылы есеп мәтінін толық түсінуге, берілген шарттарға сай талдау жасау; оқушыларды қазіргі қоғамның түбегейлі өзгерістеріне лайық бейімдеу, оларды зерттеушілік дағдыға икемдеуде орындалатын тапсырмалар түрлерімен таныстырды. Биология пәні мұғалімі Ермекбаева Улбала жаратылыстану бағытындағы PISA оқушының функционалдық сауаттылығына, жан-жақты болуына, өзінің ісіне сыни көзқарас қалыптастыра алуына жағдай жасау, оқушының білім, білік, дағдылары ерекшеліктеріне сәйкестендіріп биологиядан 6 деңгейлі құрылымын айқындайтын тест тапсырмаларын құрастырып және шешу жолдарын ұсынды. Химия пәні мұғалімі Даулетбаева Балжан оқушылардың ғылыми – жаратылыстану сауаттылығын қалыптастыруда, функционалдық дағдыларын жетілдіруде, сабақ процесінде PISA тапсырмаларын кіріктіру,химия пәнінен жаңа тақырыптарды және үй тапсырмаларын бекіту кезінде оқушылардың логикалық ойлау қабілеттерін дамыту үшін, теория жүзінде алған білімді практикада қолдана білу үшін PISА тапсырмаларын қолданудың маңыздылығын, PISA тапсырмалары сын тұрғысынан ойлау қабілеттерін дамытындығын, ғылыми жаратылыстану сауаттылығын қалыптастыратынын, өмірде қолдана білуге бағыт-бағдар беретіндігі туралы айтты. Химия пәнін оқытуда оқушылардың ғылыми – жаратылыстану сауаттылығын қалыптастыруда қолдануға болатын PISA тапсырмаларынан бірқатар мысалдар келтіріп,көрсетті.