«Тәуелсіз Қазақстан- біздің ең қымбат, ең асыл құндылығымыз» тақырыбында көрме

Тәуелсіздік мемлекетіміз бен халқымыз үшін ең басты құнды мереке. Бұл- қайта жаңғырған қазақ мемлекетінің, ата-бабаларымыз аңсаған азаттықтың тұғыры нығая түскенін әйгілейтін маңызды белес. 16 желтоқсан Тәуелсіздік күніне орай мектебіміздің кітапханасында «Тәуелсіз Қазақстан- біздің ең қымбат, ең асыл құндылығымыз» тақырыбында көрме ұйымдастырылды. Көрменің мақсаты:Қазақстан Республикасының жеткен жетістіктеріне түсінік беру, ата-бабамыздың тәуелсіздік жолындағы ерлігін үлгі етіп, Тәуелсіздік алғаннан кейінгі Қазақстанның дербес мемлекет ретінде қалыптасу тарихына шолу жасау.. Көрме: Қазақстан тарихында халқымыздың ұлттық сана-сезімінің қалыптасуындағы, оның қазіргі әлемдегі өз рөлі, тәуелсіздікпен еліміздің егемендікке қол жеткізгендігі маңызды кезеңдері туралы ақпарат береді. Көрмеде: еліміздің Тәуелсіздік алғаннан бастап, бүгінге дейін жүріп өткен жолы туралы еңбектері және тәуелсіздік жылдарында баспадан шыққан әдебиет туындыларымен қамтылған. Кітапханшы: Абашова Жанар оқушыларға Тәуелсіз Қазақстанның әлеуметтік –эканомикалық, мәдени дамуы, халықаралық дамуына шолу жасап, Тәуелсіз Қазақстанның әдебиеті мен мәдениетіне тоқталды.