Қазақстан Республикасының Тәуелсіздігіне 31 жыл және Желтоқсан оқиғасына 36 жыл толуына орай оқиға куәгерлерімен кездесу

Ақкөз Қосанұлы атындағы №18 жалпы орта білім беретін тірек мектебінде Қазақстан Республикасының Тәуелсіздігіне 31 жыл және Желтоқсан оқиғасына 36 жыл толуына орай оқиға куәгерлерімен кездесу өтті. Кездесу кешін мектеп директоры Бектурганов Бауыржан Тлешулы ашып, қонақтарға жылы лебізін білдірді.Іс-шараға желтоқсан көтерілісін көзбен көрген, куәгер болған қонақтарымыз қатысты.Атап айтсақ,Жамбыл облысы «Желтоқсан-86» қоғамдық бірлестігінің Меркі филиалының төрайымы Жуанышева Эльмира Қуанышбайқызы, «Желтоқсан-86» қоғамдық бірлестігінің мүшесі-Жаналиева Ләйлә апай,Әбдрешова Манат апкей қонақта болды. Кездесу барысында Тәуелсіздікке жету жолында 1986 жылғы Желтоқсан оқиғасының ерекше маңызы және ел тәуелсіздігін алуға деген бетбұрыстың жасалуына тигізген ықпалы жайында сөз болды. Сондықтан да Желтоқсан оқиғасы Қазақстанның Тәуелсіздікке жасаған алғашқы қадамы, тәуелсіздіктің бастауы ретінде бағаланады.Бүгінгі кездесудің мақсаты сол кезеңдегі елге деген патриоттық рухы биік болған жастарды бүгінгі өскелең ұрпаққа таныстыру, насихаттау бағытында ұйымдастырылды.Кездесу мектебіміздің дарынды да талантты білім алушыларының арнайы дайындаған концерттік бағдарламасымен жалғасын тапты.Кездесуді қорытындылау мақсатында директордың тәрбие ісі жөніндегі орынбасары Батырбекова Алия Абубакировна келген қонақтарға алғыстарын айтып, сый-сияпат тарту етті. Жамбыл облысы «Желтоқсан-86» қоғамдық бірлестігінің Меркі филиалының төрайымы Жуанышева Эльмира Қуанышбайқызы Жамбыл облыстық Желтоқсан-86 қоғамдық бірлестігінің төрағасы М.Бердалиевтің алғыс хатымен мектеп директоры Бектурғанов Бауыржан Тлешұлын, директордың тәрбие ісі жөніндегі орынбасары Батырбекова Алия Абубакировнаға және ұйымдастырушылар Қуандықбаева А, Мырзаханова Н,Шаймерденова Ақмаралды Алғыс хатпен марапаттады.