"Берекелі бизнестің сыры" Табиғи өнім- табысты кәсіп

     Бүгін Ақкөз Қосанұлы атындағы №18 жалпы орта білім беретін мектебінде "Берекелі бизнестің сыры"тақырыбында кездесу кеші өткізілді. Өз еңбегін ұйымдастыра білген адам кәсібін дөнгелете алады. Кездесуге өз кәсібін ашып, бөдене өсіру шаруашылығымен айналысып жүрген танымал жас кәсіпкер - Нурабаев Ерлан Аманбекович арнайы шақырылды. 
     Шараның мақсаты елімізде өз ісін өрге дөңгелеткен кәсіпкердің тәжірибесімен бөлісіп, жетістіктерін жастарға паш ету. Оқушыларды еңбекқорлыққа, өз ісін бастауға ынталандыру және отбасылық шағын бизнестің мүмкіндіктерімен таныстыру.
     Кәсіпкер Ерлан Аманбекұлы кездесу барысында бөдене өсірудің ерекшеліктері, күтім жасау жолдары, өнім түрлері, олардың денсаулыққа пайдасы және кәсіпті жетілдіру тетіктері туралы жан-жақты  әңгімелеп берді. Сонымен қатар, табысқа жетудің негізгі қағидаларымен бөлісіп, оқушылардың сұрақтарына жауап берді. 
     Сондай-ақ жас кәсіпкер оқушылармен бірге ойын ойнап, психологиялық тренингке қатысты. Осындай кездесулер жас буынның кәсіпкерлік ой-өрісін кеңейтіп, алдағы мамандық таңдауда дұрыс бағыт-бағдар берері сөзсіз.